viernes, abril 28, 2006

Os de Silvaoscura (59)

En materia de alcumes, sempre estivemos ben servidos por Silvaoscura e arredores. Houbo un famosísimo Parrandas, veciño de Sobrado e falador incansable. Cando eu o tratei, xa andaba polos setenta anos, pero conservaba intactas as facultades de sedutor. A súa condición de viúvo non o afundiu na melancolía; ao contrario, era frecuente velo paseando pola Avenida das Camelias en compaña de señoras maduras ás que facía as beiras cunha mestura de elegancia e descaro. É máis, lembro que o vin nun mirador, preto do Castro, en actitudes propias de adolescente. Era un individuo extraordinario, sen dúbida, que non daba disimulado a satisfacción que sentía cada vez que me dirixía a el con aquel estraño vocativo, Señor Parrandas, co que tentaba amosar respecto á súa idade e á súa sona de parrandeiro.
Outros alcumes proceden do lugar de procedencia do alcumado. Así, temos o Proente e mais o Carballeiras (por non falar dunha Nerga coa que compartín aulas universitarias e que non estaba orgullosa do Hortensia que figuraba no seu documento nacional de identidade). E outros teñen a súa orixe nalgunha expresión empregada con excesiva frecuencia, como sucedía co Tío Caramba, sancristán da parroquia de San Salvador de Penosiños. Contan que, cando naceu a miña nai, nun parto extraordinariamente difícil que non acabou en traxedia porque Deus non o quixo, o Tío Caramba presentouse na casa co manto da Virxe e abrigou con el á miña avoa, para axudala a pasar mellor o duro transo. "Caramba, caramba, Concha, como non cho ía traer, para qué está a familia, caramba", dicía sen descanso.
Pero o meu alcume favorito, sen dúbida, é o que ostentou a irmá do Pepe Tratante, a Resulta, unha mulleriña que marchou para Betanzos e alá morreu. Segundo din os que a coñeceron, esta señora concluía todos os seus parlamentos coa mesma frase: "Resulta que nada, éche un caso e adiós".

14 Comments:

Anonymous muralla said...

Sencillamente, delicioso...
Bicos.

2:12 p. m.  
Blogger Veloso said...

Graciñas, Muralla, sempre es moi amable comigo. Un bico.

4:44 p. m.  
Blogger Carqueixa said...

Na mina aldea hai unha que estivo unha morea de anos en Suiza co seu home; agora, xa xubilados, retornaron a aldea a casa que fixeron cos cartos aforrados e a muller voltou toda chea de coñecementos e mundo e sempre principia os seu relatorios coa mesma frase: "Mira, significa o tema ...". Ten, entre outras, unha moi boa cando di que os seus cans ".. sonche moi listos, eu douchelles mazás, xa sabes as legumes sonchelles moi boas..".
Coñocemola na aldea pola "Significa o tema"

4:50 p. m.  
Blogger Peke said...

Estou con Muralla; é unha delicia lerte.

5:04 p. m.  
Blogger acedre said...

Mui bo coma sempre e o da "Resulta" e grandioso igual que a "Significaotema".

Eu conhecin un Manolo "Ningures" que era a resposta que sempre daba o borrachin a pregunta de cara onde ia. O pobre morreu nunha porta dunha casa unha noite de xeada cando durmia a peneca...e dali marchou a "Ningures" de verdade.

6:34 p. m.  
Blogger kaplan said...

eu souben dunha á que chamavan a mejorita; disque cando nasceu, ao ve-la seu pai, dixo orgulloso diante das parteiras: ai, que miniña tan ghuapa, derde logho é a mejorita do pueblo!
e tal lle quedou como alcume de por vida, e non só: o home, os fillos, agora os netos, son "os da mejorita". un saúdo (tamén quixen facer a miña aportación)

7:35 p. m.  
Blogger satine said...

Uf, xa botaba de menos as tuas historias, sempre divertidas e moi ben contadas.
A raiz do que contas agora mesmo venme a cabeza un rapaz que teño encontrado algunha noite, sempre no mesmo lugar e sempre no mesmo estado, que nos regalaba uns contos que nunca aconteceron e que remataba as frases sempre da mesma maneira " non hai fallo, princesa, non hai fallo"

10:19 a. m.  
Anonymous Marinha de Allegue said...

Tio caramba que apodo tan curioso... e que ben sabes contar, da gusto chegar ao teu blog e decubrir as andanzas en Silvaoscura.
Non estaría nada mal ir de acampada alí...

Unha aperta.

;)

P.D Estaría ben facer unha recopilación de apodos non si??.

9:31 p. m.  
Anonymous Anónimo said...

Antes, os estudantes puñan alcumes aos profesores, e habíaos boísimos. Agora xa case nunca o fan, e cando o fan carecen de imaxinación.
Todo parece indicar que a informática e a microelectrónica matou a imaxinación. Sign of times, que diría Prince!

9:57 p. m.  
Blogger torredebabel said...

súmome ao comentario de Muralla que dixo todo con as palabras xustas: nin mais nin menos. "Sencillamente, delicioso!". Apetas!

1:40 a. m.  
Blogger fpn1ex71 said...

Get any Desired College Degree, In less then 2 weeks.

Call this number now 24 hours a day 7 days a week (413) 208-3069

Get these Degrees NOW!!!

"BA", "BSc", "MA", "MSc", "MBA", "PHD",

Get everything within 2 weeks.
100% verifiable, this is a real deal

Act now you owe it to your future.

(413) 208-3069 call now 24 hours a day, 7 days a week.

11:48 a. m.  
Anonymous Anónimo said...

I love your website. It has a lot of great pictures and is very informative.
»

8:01 a. m.  
Anonymous Anónimo said...

Your are Nice. And so is your site! Maybe you need some more pictures. Will return in the near future.
»

8:10 a. m.  
Anonymous Anónimo said...

Nice idea with this site its better than most of the rubbish I come across.
»

8:11 a. m.  

Publicar un comentario

<< Home