Os de Silvaoscura (1)

Os irmáns Piernas, Xosé e Castor, viviron con filosófica fraternidade a súa condición de solteiros. Comían moita cebola, lavábanse pouco e amosaban un relativismo existencial perante os cambios da sociedade. No 36, cando os falanxistas percorrían o lugar berrando arriba España, un deles saíu á fiestra e sentenciou "arriba, arriba, por min podedes levala ata o alto da serra".
Xente así era a que cumpría.