Pequenos fracasos
Unha amiga xenerosa e observadora aconsella por teléfono ao meu veciño do 1º D: "Non deberías escribir esas cousas no teu blog. A xente vai pensar que estás tolo". O aludido agradece as palabras e principia unha longa reflexión sobre o delicado asunto das voces narrativas. Moitas veces, os escritores estragan unha boa historia simplemente por non a saber contar dende a perspectiva axeitada. É un pensamento interesante, sen dúbida, pero o veciño do 1º D ten hoxe unha misión moito máis alta. Leva meses sen limpar os cristais, así que apaña caldeiros e panos varios, mestura auga e vinagre, fornécese de xornais atrasados e pon mans á tarefa. Faino sen camiseta, vestido unicamente cun pantalón curto pasado de moda, para que os paseantes da rúa admiren o seu peito peludo, o bandullo branco e redondo, os brazos escasos en lonxitude e musculatura. Despois de dúas horas de intenso traballo, o limpador retrocede uns metros e pon distancia perante a obra feita. Sobrevén entón a derrota: os cristais están aínda máis lixosos có principio, non hai ningún vestixio de transparencia nas fiestras do 1º D. O veciño suspira con absoluta melancolía. De súpeto, unha pequena raiola de luz atravesa o seu maxín. Eufórico, descobre que acaba de resolver o dilema da voz narrativa e, xa de paso, vese capaz de render homenaxe á súa amiga xenerosa e observadora. Cando relate o desastre cristaleiro no blog, farao en terceira persoa, para que ninguén se decate de que o protagonista da historia e mais ese tal Veloso, o dos karaokes, son en realidade o mesmo individuo.
3 Comments:
Un saúdo doutro limpador de cristais ( anque procuro pór a camisola anque súe ).
Supoño que a amiga referirase á limpeza de cristais cando fala de tolerías.
Eu, por se ascaso, xa non falo diso.
A solución semántico-narrativa de escribir en terceira persoa poda que solucione a cuestión do blog; pero ainda que o faga na segunda do plural moito me temo que os cristais van quedar coma o carallo.
新竹餐廳房屋貸款 剖腹生產 姓名配對 星座 星座運勢 算命 素食料理 素食水餃 開運印章 風水 外遇 徵信 壁癌 屋頂防水 屋頂隔熱 抓漏 油漆 徵信社 外遇 徵信 徵信社 外遇 徵信 徵信社 外遇 徵信 徵信社 外遇 徵信 徵信社 外遇 徵信 徵信社 清潔公司浴室 漏水 裝潢 防水工程 壁癌 健康飲食 台北素食餐廳 吃素 團購美食 水餃 素食素食食譜
Publicar un comentario
<< Home